Puisi Bahasa Bali "Satya Kadi Sang Surya" | Luh Desi Damayanti

Satya Kadi Sang Surya

Luh Desi Damayanti

Sang Surya kari metangi

Nanging, sampun masereot kauh

Sunaran nyane kadi emas tanpa tanding

Yadyastun ketangkebin antuk ambu lan i kedis

Antuk deburan ombak lan sir-siran angin

Nanging, tetep satya ring dewek

Tan keni pengaruh antuk sane lianan

Kelangen titiang menyingakin

Kekaryanan Ida Hyang Widhi puniki

Ngulgulin hatin titiang mangda prasida

Prasida satya kadi Sang Surya

Yadyastun akeh sane mengalangin

Akeh gegodan rikala nyalanin idup ring mercepada

Nanging tetep satya, kukuh seteguh batu karang

Ritatkala Sang Surya sampun budal

Saking swadharman nyane mewali ke puri

Prejani jagate maklieb dados peteng dedet

Kadi anak buta sane ten nyingakin

Nyingakin sarwa maurip ring gumine

Ten kerase dinane meganti

Sadina-dina tetep satya ring swadharma

Ngicen penyinaran ring kauripan

Nyunarin sane peteng mangda galang

Nyunarin hatin sane leteh mangda suci

Suci sejeroning angga lan sarira

17 peb,2013